Вредноста на рубљата утрово се намали за дополнителни 1,7 проценти, со што е продолжен падот на руската валута предизвикан од ниските цени на нафтата и санкциите на Западот поради украинската криза.
Еден долар утрово чинел 54,8 рубљи, што е за 16 проценти повеќе отколку пред седум дена.
Рубљата, заедно со украинската гривна, беше најнестабилната валута оваа година.
Властите претходните недели одбија да интервенираат, но кога рубљата во понеделникот загуби дури шест проценти од вредноста, Централната банка продаде 700 милиони долари за да ја заштити од уште поголем пад.
