Одлика на исклучително успешните луѓе е држењето на високо ниво на стандарди во многу погледи.
Успешните луѓе веруваат дека успехот доаѓа од намерата и акцијата, а според пишувањето на Business Insider, ова се некои од работите кои тие никогаш не ги прават:
1. Не дозволуваат минатото да им ја диктира иднината
Сите ние имаме ограничувања, предизвици, но и грешки. Најважно е тие работи да не не запираат во напредокот, туку да научиме нешто од нив.
2. Не озборуваат
Многу е тешко да стоите надвор од секојдневните трачеви, но треба да знаете дека лицето кое ги озборува другите пред вас исто така ве озборува и вас. Наместо за трачевите, подобро е отворено да говорите за идеите и чувствата.
3. Не доцнат
Иако многумина тврдат дека се „лица кои доцнат“, тоа е всушност само нивен личен избор. Од друга страна, успешните луѓе никогаш не доцнат, туку на закажаните состаноци доаѓаат и малку порано.
4. Никогаш не критикуваат
Нелсон Мендела кажал „Гневот е како да испиете отров и да се надевате дека тоа ќе ги убие вашите непријатели“, истото важи и за горчината и љубомората – единствена личност која на крајот губи сте токму вие.
5. Не ги прекинуваат другите
Кога во разговорот ги прекинувате другите всушност им порачувате дека не ве интересира што тие сакаат да кажат, туку тоа што вие сакате да го кажете. Доколку сакате да остварите вистински однос, тогаш слушајте што ви говорат другите.