Европската комисија денеска ја усвои Оперативната програма за имплементација на Европскиот социјален фонд на белгиската провинција Фландрија, како и на Бугарија, за периодот 20142020 година, јави дописникот на МИА од Брисел.
Во однос на приоритетите и целите за кои Фламанците и Бугарите добиваат по над една милијарда евра (од кои по 394 милиони евра од буџетот на ЕУ), тоа се создавање на работни места и зајакнување на социјалната кохезија во Бугарија и Фландрија.
Оваа програма на Унијата има за цел да ги дополни постојните фламански иницијативи за вработување и социјално вклучување и охрабрување на иновативни социјални мерки и транснационалната соработка.
Таа, исто така ќе поддржи голем број на акции кои се насочени на претприемништвото, на социјалната економија, слабо квалификувани млади луѓе и на Ромите во Бугарија и во белгиската провинција.
