„BMW“ го претстави првиот прототип на „Serieѕ 3“ со хибриден погон, чии батерии можат да се дополнуваат со помош на кабел.
По моделот „BMW Serieѕ 3 ActiveHybrid“, германскиот производител планира на купувачите да им понуди и „Plug-in“ верзија која ќе има значително поголема автономија на движење преку електричниот погон.
Првиот прототип на овој е прикажан во склоп на манифестацијата „Денови на „BMW“ иновации 2014“.
Некои елементи на екстериерот се прекриени со маскирна фолија, со оглед дека хибридот го дели надворешниот дизајн со редизајнираната „Seriеѕ 3“ која се очекува на пазарот 2015-та година.
Хибридниот погон се состои од четирицилиндарски 2.0-литарски турбо-бензинец, електромотор и литиум-јонска батерија.
„BMW“ тврди дека оваа конфигурација, според перформанси претставува еквивалент на шестцилиндарски мотор кој се вградува во актуелната „Seriеѕ 3“.
Предвидено е во бројки, вкупната комбинирана моќ достигнува 245 ks (180 kW), a максималниот вртежен момент изнесува 400 Nm.
За преносот на моќта е употребен осумбрзински „Steptronic“ автоматски менувач.
Компанијата соопшти дека просечната потрошувачка, може да се намали до 2 l/100 km, со CO2 емисија од 50 g/km.
Aко се вози исклучиво на електричен погон, овој „BMW“ може да премине до 35 km, со максимална брзина од 120 km/h, пред да се испразни батеријата.
Литиум-јонската батерија е поставена под багажниот простор, па така багажникот и натаму е функционален.
Можно е да се избере еден од трите модули на возење – „COMFORT“, „SPORT“ или „ECO PRO“, во зависност од тоа дали возачот сака неговиот автомобил да биде помалку или повеќе економичен, односно дали му е потребна дополнителна моќ.