Намалена кредитната активност на хрватските банки

Вкупните кредити на хрватските банки на крајот на септември оваа година беа за 5,2 проценти помали отколку во истиот период една година претходно, забележувајќи годишен пад седми месец по ред, што ја одразува контракцијата на вкупната кредитна активност и континуираното раздолжување на населението и стопанството, оценуваат аналитичарите на Raiffeisen Bank Австрија.

На крајот на септември, според податоците на хрватската Централна банка, вкупната вредност на пласираните кредити изнесувала 274,8 милијарди куни (35,8 милијарди евра), што е за 1,9 проценти помалку во однос на претходниот месец, додека на годишно ниво е забележан пад од 5,2 проценти.