Во Хрватска оваа година се очекува дефицит од 5,7 проценти, а наредната 5,5 проценти, соопшти Хрватското здружениe на банките.
Хрватското здружение на банките ги објави прогнозите на главните економисти на шесте водечки банки, кои покажуваат раст на песимизмот, како и намалување на прогнозата за хрватската економија, јавуваат хрватските медиуми.
Прогнозата за јавниот долг се поклопува со онаа која ја даде Владата, што би можело да знчи дека и во oоваа институција очекуваат прилично исти податоци кога ќе се конвертираат во меѓународно споредливите ESA стандарди.
Односот на јавниот долг и БДП ќе изнесuва 82 проценти на крајот на оваа година и 87 проценти на крајот на наредната година.
Тековната сметка на билансот на плаќања ќе остане во суфицит меѓу 0,7 проценти и 0,8 проценти од БДП, а кредитите за приватниот сектор ќе продолжат да бележат пад по стапка од 1,3 проценти оваа година, додека во 2015 година се очекува нивна стагнација.
