Белгиските истражители ја обвинија денес швајцарската филијала на британската банка „HSBC“ за измама и перење повеќе стотици милиони евра.
Според тврдењето на истражителите, швајцарската филијала на „HSBC“ им овозможила помош на стотици клиенти за тие да ја измамат белгиската држава, поради што е обвинета за сериозна и организирана измама, перење пари, криминално здружување и незаконско делување како финансиски посредник, пренесува агенцијата Франс прес“.
„Споменатите обвиненија се стари неколку години и се однесуваат на управувањето со средствата на богатите клиенти, особено оние од Антверпен, град кој е меѓународна престолнина за трговија со дијаманти’“, се наведува во соопштението на истражителите.
