Малопродажната цена на бензините од ноќеска на полноќ поевтинува од еден до 1,5 денар, а на дизелот за половина денар.
Според Одлуката на Регулаторната комисија за енергетика, новата цена на Еуросупер БС-98 ќе изнесува 73,50, на Еуросупер БС 95 ќе биде 72 денари, а на Еуродизелот 62 денари.
Екстра лесното масло за домаќинство поевтинува за половина денар и ќе чини 50,50 денари за литар. Се намалува и цената на мазутот и ќе се продава за 33,01 денар за килограм.
