Цените во Италија во октомври повторно започнаа да растат по двомесечната дефлација, соопшти Заводот за статистика во Рим, потврдувајќи ја прелиминарната проценка.
Стапката на инфлацијата во октомври изнесуваше 0,1 проценти, по минус 0,2 проценти во септември и минус 0,1 проценти во август, кога Италија ја евидентираше првата дефлација во последните неколку децении, пренесува агенцијата АНСА.
Иако растот на цените е многу слаб, сепак податоците го ублажија стравувањето од упорната дефлација, која, според мислењето на економистите, би можела да ги загрози напорите на италија, која е погодена од рецесија, да започне да закрепнува.