Групацијата Триглав, која е присутна и во Македонија, во првите девет месеци од 2014 година оствари 36 проценти повисока нето добивка и обезбеди 2 отсто помалку бруто полисирана премија од осигурување и соосигурување.
Како што соопштуваат од компанијата, во периодот од јануари до септември 2014 година нето добивката на групацијата Триглав изнесуваше 77 милиони евра, додека полисираната премија достигна 688,6 милиони.
Деталните деловни резултати, согласно финансискиот календар на Заваровалница Триглав ќе бидат објавени на 21 ноември 2014 година.
