Трговскиот дефицит на Австрија во август се продлабочи на 398 милиони евра, пред се поради големиот пад на извозот, од кој австриската економија е силно зависна.
Во месец август извозот на месечно ниво е намален за повеќе од 20 проценти, на 8,87 милијарди евра, а опадна и увозот за 17 проценти, на 9,27 милијарди евра, пренесува агенцијата АФП.
Сепак, за oсум месеци од оваа година, заклучно со август, австрискиот трговски дефицит е намален од минатогодишните 3,42 милијарди на 2,02 милијарди евра.
Слабиот извоз ќе има директно влијание и на австрискиот бруто домашен производ (БДП). Минатата година уделот на извозот во БДП бил 57,4 проценти.
Очекуваниот економски раст на Австрија оваа година нема да надмине 0,8 проценти.
