Доколку тренирате и се прашувате до кое ниво на физичка подготвеност сте дошле, можеби најдобриот начин тоа да го проверите е со разните вариации на вежбата склекови.
Нашата препорака е комбинација на два вида на вежби кои се изведуваат во положба за склекови.
Првата положба е класичната склек положба во која треба да стоите некое време. Пробајте за почеток тоа да бидат 30 секунди. Додека стоите во оваа положба многу е важно телото да ви биде цврсто и затегнато и колковите да не ви паѓаат накај подот.
Кога ќе пројдат 30 секунди, започнете наизменично да ги подигнувате колената накај градите. Брзината на изведување зависи од вашата физичка подготвеност. Бројот на повторувања заокружете го на 20 (10 со едната и 10 со другата нога).
По овие две варијанти повторете го процесот уште три пати и само после неколку изведувања (доколку сте подготвени за нив и можете да ги направите) ќе почувствувате и поголема сила во целото тело.
