Индонезија ќе ги укине визите за престој на граѓани од Австралија, Јапонија, Јужна Кореја, Кина и Русија и со овој потег очекува веќе идната година бројот на странски туристи поради визните олеснувања да се зголеми најмалку за 500.000.
Како што изјави министерот за координација на сообраќајот на Индонезија Сусило Идројоно, овој чекор се прави за да се поддржи планот, според кој, во 2020 година Индонезија треба да оствари посета на најмалку 20 милиони туристи.
Индонезиските статистичари пресметале дека еден странски турист за време на престојот овде троши најмалку 1.200 долари .
Индонезија се уште има строг режим за влегување на странски државјани, но и за излегување на своите граѓани, а визите и за едните и другите чинат и до 200 долари. Странците со постојан престој треба да плаќаат посебни такси за влез и излез од земјата, а таа пракса, според министерот Идројоно, ќе се укине.
Индонезија ќе ги либерализира и прописите за користење на своите пристаништа за престој на бродови и јахти.
