„Porsche“ продолжува со обновување на гамата на моделот „Cayenne“, па така претставена е новата „GTS“ верзија. Покрај стилските подобрувања, променет е и погонскиот систем, па сега „GTS“ сега развива 440 ks.
Со воведувањето на моделот „Cayenne“ во 2002-ра година, „Porsche“ влезе во дотогаш непозната територија на „SUV“ возила.
Иако многумина беа скептични на таквиот чекор на компанијата, времето и бројот на продадени автомобили покажуваат дека „Porsche“ направи одличен потег.
Без оглед дали станува збор за двосед или кросовер, „Porsche“ сака сопствениците на нивните модели да имаат чувство дека возат спортски автомобил.
„Porsche Cayenne GTS“ настана како израз на таквите настојувања, па редизајнираниот модел, исто како и претходникот, има пакет „Sport Design“ кој вклучува аеродинамички додатоци на крилата, праговите, како и четири издувни цевки и посебно дизајнирани 20-инчни алуминиумски бандажи.
Во споредба со стандардниот модел, променета е и суспензијата, па така автомобилот е понизок за 20-24 mm.
Во внатрешноста се истакнуваат навлаки во комбинација на кожа и „Alcantara“ и „GTS“ ознаки на потпирачите за глава.
Спортските карактеристиките во целост се дополнети со новиот мотор. Наместо 4.8-литарскиот „V8“ агрегат, кој во претходната „GTS“ верзија произведуваше 420 ks, тука е новиот 3.6-литарски „V6 twin-turbo“ со 440 ks (332 kW) и 600 Nm максимален вртежен момент.
Благодарејќи на новиот мотор, „Cayenne GTS“ е во состојба да забрза од 0 дo 100 km/h зa 5.2 секунди, односно за 5.1 секунди со изборниот „Sport Chrono“ пакет. Максималната брзина во двата случаи е 262 km/h.
„Porsche Cayenne GTS“ зa 2015-та ќе има премиера на претстојниот саем во Лос Анџелес, а во продажните салони ќе пристигне во февруари. Почетната цена на германскиот пазар ќе изнесува 98.152 eвра.
Погледнете како „Cayene GTS“ се покажа во возење на патека, а автомобилот за „Porsche“ го тестираше поранешниот светски првак во рели, Валтер Рерл:
