Кубанската влада ги повика меѓународните компании да инвестираат повеќе од осум милијарди долари во таа земја, во обид да се поттикне економијата.
Министерот за трговија, Родриго Малеиерка Диас, објави листа од 246 проекти, од земјоделството до авиоиндустријата, за кои се потребни 8,7 милијарди долари.
Листата објавена на Меѓународниот саем во Хавана е последниот чекор во настојувањето Куба да привлече странски капитал бидејќи ги олесни условите за инвестирање и формираше специјална трговска зона на пристаништето Мариел, западно од Хавана.
Куба соопшти дека инвестициите мораат да достигнат износ од две милијарди долари годишно, со цел да се поттикне економскиот раст, за кој се проценува дека оваа година нема да надмине еден процент.
