Како што пренесуваат светските агенции, Кина стана најголем производител на автомобили во светот, што ја потисна Европа на второто место.
Кинеското производство на патнички автомобили ги надмина сите останати, а минатата година произведени се скоро 18 милиони автомобили, а во Европа 14.6 милиони.
Според податоците на Европската автомобилска асоцијација, производството на возила во Европа останало исто меѓу 2012-та и минатата година. Кина ја престигна Европската унија во 2012-та година и со својот развој продолжи и во минатата година.
Таканаречената „БРИК“ група на земји, која ја сочинуваат Брзил, Русија, Индија и Кина, сега произведува 39.6 проценти од светските автомобили. Кина произведува 27.6 отсто, Индија 4.8 проценти, Бразил 4.2 посто и Русија 2.9 проценти од автомобилите.
Кинеската индустрија во 2002-ра година произвела милиони автомобили, а веќе во 2006-та се изедначи со САД со повеќе од четири милиони автомобили.
Скоро сите останати производители забележале пад во производството на почетокот на 2008-ма година, акинеската индустрија драматично напредувала и производството го зголеми од седум милиони автомобили во 2008-ма на 14 милиони кон крајот на 2010-та.
Податоците од 2012-та година покажуваат дека 2.2 милиони луѓе во Европа имаат директна врска со производството на сите видови на моторини возила, а 12.7 отсто од нив се вработени во целиот ланец за снабдување на автомобили.