Американците ќе потрошат 7,4 милијарди долари оваа година за подготовки за Ноќта на вештерките, што традиционално го одбелжуваат ноќта спроти 1 ноември, јави ТАСС.
Најголем дел од сумата оди за купување, шиење или најмување на костуми. Американците по традиција сакаат да се маскираат како вештерки, зомби и вампири, или како популарни херои од анимирани или играни филмови или од романи.
Оваа година, меѓутоа, хит на пазарот се и костуми како заштитна облека на лекари, кои работат со заболени од ебола.
Главната парада по повод Ноќта на вештерките ќе се одржи подоцна денеска во Њујорк.
