Компанијата „LG Electronics“ во третиот квартал од 2014 година оствари консолидиран приход од 14,92 илјaди милијарди јужнокорејски вони (14,54 милијарди долари), што е за 7,4 проценти повеќе во однос на истиот период претходната година, соопшти денес оваа компанија, прецизирајќи дека се работи за неревидирани финансиски резултати.
Оперативниот профит изнесува 461,3 милијарди вони (449,61 милиони долари) што е повеќе од двојно подобар резултат од оној кој е забележан во текот на третиот квартал во 2013 година. Ваквите приходи на компанија „LG Electronics“ се резултат на рекордната продажба на смартфони во третиот квартал, која надмина 16,8 милиони уреди.
