Малопродажниот ланец Жито Маркети денеска го отвори својот најнов продажен објект во скопската населба Драчево.
Маркетот со концепт на дисконт е со вкупна продажна површина од околу 200 метри квадратни, лоциран е на улицата Иван Хаџиниколов 20 (поранешната улица Ратко Митровиќ), има сопствен паркинг, а ќе функционира со две наплатни каси.
,,На жителите на Драчево, им нудиме концепт на малопродажен објект со пониски цени. Отвораме дисконт продавница што соодветствува со барањата и потребите на современиот потрошувач. Жито Маркети со секој новоотворен објект останува доследен и ја применува својата веќе докажана политика – понуда и услуга во согласност со високите стандарди на компанијата како и исполнување на барањата на купувачите“, изјави Далибор Ѓошевски, генерален директор на Жито Маркети.
На денот на отворање, за купувачите беа достапни голем број промоции, дегустации, продажни акции, подароци и гратис производи. Работно време на маркетот ќе биде седум дена во неделата, од понеделник до сабота од 07.00 часот до 21.00 часот, додека во недела и во празнични денови, маркетот ќе работи од 08.00 до 14.00 часот.
Овој објект на Жито Маркети во скопската населба Драчево ќе овозможи осум нови вработувања.
