„Audi“ одлучи повеќе да не ги држи во неизвесност своите фанови, па пред светската премиера на саемот во Лос Анџелес на интернет ги објави фотографиите и деталите од нивниот најмоќен сериски модел досега – „R8 Competition“.
Автомобилот кој веројатно претставува последната верзија на актуелната генерација на популарниот модел, е означен како најмоќниот досега, а крие моќ од 570KS(425kW).
Под хаубата се наоѓа 5.2-литарски V10 мотор кој е поврзан со седумстепен „S tronic“ менувач и погон на сите четири тркала. Забрзувањето до „стотка“ е за 3.2 секунди со максимална брзина од 320 km/h, што го прави најбрз „R8“ досега.
Што се однесува на изгледот, очигледна е инспирацијата на „R8 LMS“ моделот, а тука се и бројните карбонски компоненти, како предниот спојлер, надоврешните ретровизори, задниот дифузор и спојлер…
Во тркачкиот дух, автомобилот е опремен и со спортски издувен систем, карбон-керамички сопирачки, а целиот енетериер го одликува минималистички функционален дизајн.
Производството на овој автомобил е ограничено на само 60 примероци, а изгледа дека моделот ќе биде екслузивно достапен само во САД.
