Александер Граф Ламбсдорф потпретседател на Европскиот парламент, изјави дека Велика Британија мора да уплати дополнителни 1,7 милијарди фунти во европскиот буџет и „тоа е тоа“.
„Ако имате поголем раст на БДП од предвидениот, тоа логично значи дека морате повеќе да придонесете во буџетот на заедницата“, изјави Ламбсдорф за BBC.
Ламбсдорф, инаку германец, додаде дека Европската унија би била огорчена доколку Британците се обидат да го избегнат плаќањето на оваа сума, пренесуваат агенциите.
Европската унија бара од Велика Британија да уплати дополнителни средства бидејќи оваа година и оди добро (економски раст од 3,2 проценти), но Британците на ова барање реагираа бурно. Дејвид Камерон, британскиот премиер, му префрли на Брисел дека уште малку ќе треба да размисли ако мисли дека Велика Британија ќе ги плати тие дополнителни 1,7 милијарди фунти до први декември.
