Европската комисија вчера ги казни банките „JPMorgan Chase“, „UBS“ и „Credit Suisse“ со вкупно 84 милиони евра поради нивното учество во картели во финансискиот сектор.
„JPMorgan Chase“ е казнета со 61,7 милиони евра (78 милиони долари) поради местењето на Либор каматната стапка во периодот од март 2008 година до јули 2009 година, но и со дополнителни 10,5 милиони евра поради учеството во картел во кој ги местела каматните стапки на договорите индексирани во швајцарски франци, пренесува Ројтерс.
„Во текот на 2008-2009 година, „ JPMorgan “ во соработка со „Royal Bank of Scotland“ ги местела каматните стапки на договорите индексирани во швајцарски франци, што е уште еден пример дека банките работеле заедно наместо да се натпреваруваат“, изјави европскиот комесар за заштита на конкуренцијата, Хоакин Алмунија, пренесува Франс прес.
Поради здружувањето во банкарски картел, на „UBS“ и е изречена казна од 12,7 милиони евра, а на „Credit Suisse“ казна од 9,2 милиони евра.
За постоењето на овие картели, Комисијта беше предупредена од страна на „Royal Bank of Scotland“ поради што таа банка избегна казна, наведува Ројтерс.