Мултинационалната компанија „Coca-Cola“ во третиот квартал забележа пад на профитот од 14 проценти на годишно ниво.
Покрај ова, забележан e и количински пад на продажбата на пазарите во Северна Америка, а компанијата најави и широка програма за намалување на трошоците.
Нето профитот на најголемиот светски производител на безалкохолни пијалоци во извештајниот период изнесувал 2,1 милијарди долари (1,6 милијарди евра, или 48 центи по акција, во однос на 2,4 милијарди долари во истиот квартал минатата година (54 центи по акција), пренесува Ројтерс.
Компанијата најави дека до 2019 година планира годишна заштеда од 3,0 милијарди долари и потврди дека оваа година нејзиниот профит по акција ќе биде под целното ниво.
