Конзорциумот „Visio.M“ (кој меѓу другите го сочинуваат „Daimler“, „BMW“, „TU München“, „Autoliv“, „Conti“, „BASt“, „Texas Instruments“, „TÜV Süd“, „Siemens“ и „Amtek“) на „eCarTec“ саемот во Минхен претставија интересен електричен двосед.
Овој електричен автомобил е направен со идеа на пазарот да се понуди комфорно и безбедно електрично возило, а се вели дека во овој проект со 7.1 милиони евра била вклучена и федералната влада.
Концептот „Visio.M“ е долг 360 cm, широк 155 cm, висок 130 cm, додека пак меѓуосовинското растојание е 210 cm. Коефициентот на отпорот на воздухот изнесува 0.24, тркалата се од 16 инчи (гуми 115/70 R 16), додека тежината на возилото без батеријата е само 450 kg (користена е пластика засилена со јаглеродни влакна, алуминиум, поликарбонантни стакла…).
За погонот се грижи електромотор од 15 kW, што е доволно за максимални 120 km/h.
Автономијата со едно полнење на литиум-јонската батерија (13.5 kWh) изнеусва околу 160 km, a батеријата се полни за 3 до 4 часа.
