Германскиот малопродажен ланец „Metro“ во фискалната година 2013/14 забележа пад на приходите на 63 милијарди евра, главно поради силното евро и продажбата на дел од бизнисот.
Групацијата, сепак, во изминатата фискална година го оствари целниот профит пред оданочување од 1,75 милијарди евра, пренесува Франс прес.
„Metro“, чии конкуренти се „Walmart“ и „Carrefour“, наведува дека речиси сите негови филијали, „Cash & Carry“, „Real Hypermarket“ и онлајн продавниците „Media Markt“ и „Saturn“ забележале пад на приходите.
Најслаби резултати евидентирал„Real Hypermarket“, главо поради продажбата на бизнисот во Источна Европа на француската групација „Oshan“. „Cash & Carry“, кој силно инвестираше во Азија, забележа пад на приходите од 2,1 проценти поради силното евро. Отстранувајќи го тој фактор, приходите пораснале за два проценти.
Единствена филијала која евидентирала раст на приходите е ланецот на стоковни куќи „Kaufhof“, чии приходи се зголемени за 0,3 проценти. „Metro“ пред две години се откажа од продажбата на „Kaufhof“ и започна со негова реструктура.
