Компанијата „Mitsubishi Heavy Industries“ го финализира првиот јапонски патнички авион по четири децении.
На церемонија во Нагоја, утре ќе биде претставен долгоочекуваниот „Mitsubishi Regional Jet – MRJ“, кој се одликува со мала потрошувачка на гориво.
„Mitsubishi“ соопшти дека верзијата „MRJ90“ ќе има места за 88 луѓе, „MRJ70“ зa 76, a планираниот „MRJ100X“, 100 места за патници.
Првиот лет на овој авион е планиран за вториот квартал од следната година, а испораките ќе започнат во 2017-та.
Јапонскиот авиопревозник „Japan Airlines“ најави во август дека ќе купи 32 летала со краен рок на испорака до 2021-ва година, сепак конечниот договор не е постигнат.
„MRJ“ е првиот авион произведен во Јапонија од „YS-11“, чие производство престана во 1973-та година.
Производителите на авиони за регионални летови најмногу сметаат на пазарите во Северна Америка и Европа, иако многу компании произведуваат ваков тип на авиони.