сабота, 28 јануари 2023
ПочетнаЕКОНОМИЈАЕВН Македонија подготвена за зимата

ЕВН Македонија подготвена за зимата

evn makedonija 33

ЕВН Македонија е подготвена за претстојната грејна сезона. Од почетокот на годината направена е инспекција на 13.000 километри дистрибутивна мрежа на сите напонски нивоа, како и анализа на подготвеноста на 7.000  трафостаници во земјава. Направена е интервенција на сите забележани критични точки, при што е исчистена вегетацијата на 120 километри среднонапонска и на 110 километри нисконапонска мрежа. Заменети се над 1.500 столба на средно и ниско напонско ниво, а санирани се над 1.700 делумно оштетени столбови.

„Сигурното и навремено снабдување на корисниците со електрична енергија е главната цел на компанијата. Затоа севкупната техника и човечки ресурси се ставени на располагање за евентуални реакции.  Целосно се опремени и подготвени тимовите за интервенција, а за полесно справување со зимата направени се стратегии и договори за заедничко делување со општините и поголемите зимски центри во земјава“, информираат од ЕВН Македонија.

Додаваат дека коригирано е заземјувањето на 170 столбa од среднонапонската мрежа и на 30 трафостаници ТС 10(20)/0,4 киловолтни, а направени се и сите други интервенции на утврдените недостатоци по инспекција на мрежата на сите напонски нивоа. Годинава, стои во соопштението, е изградена нова надземна и подземна мрежа на ниско и средно напонско ниво во вкупна должина од 140 километри.

ЕВН Македонија ќе ги стави на располагање и сите специјализирани возила за зимски услови и возилата за специфични интервенции, мерни коли за лоцирање дефекти и друга опрема кои ќе бидат распоредени низ сите поголеми центри во земјава со што на располагање е ставена целата механизација. Околу 50 електромонтери се ангажирани во тимовите за брзи интервенции после работното време, а уште 650 може дополнително да се ангажираат, истакнуваат од компанијата.

Од ЕВН Македониаја апелираат на рационално користење на енергијата и заедничко делување против крадците на струја.

НАЈНОВИ ВЕСТИ

ХОРОСКОП