Најголемиот светски производител на мебел „Ikea“ планира до 2017 година во Франција да инвестира уште 600 милиони евра.
„Ikea“ на францускиот пазар во деловната година завршена на крајот на август оствари стабилни 2,38 милијарди евра приход.
Новото инвестирање од 600 милиони евра подразбира отворање на седум нови продажни објекти, како и обновување на два постоечки продажни центри, а се разгледува и оправданоста на отворањето на продажен салон во Париз, пренсува францускиот весник „20 минути“.
На тој начин оваа шведска компанија во Франција ќе вработи уште 1.300 работници, со што вкупниот број на вработени ќе достигне 11.000.
Најавената инвестиција на „Ikea“ му припаѓа на долготрајниот план од сегашните 30, бројот на продажни места во Франција до 2020 година да се зголеми на 40.
Франција за „Ikea“ е третиот пазар по големина, веднаш зад Германија и САД.
