Македонски Телеком и Т-Мобиле Македонија денес отворија нова продавница во Скопје. Продавницата, која се наоѓа на приземје, во Градскиот трговски центар на површина од 210 метри квадратни, има седум работни единици и нуди мултимедијално искуство за корисниците.
Станува збор за нов концепт на продавници, со акцент на дигиталните комуникации на понудите, со многу „live“ демо уреди, кои ќе овозможуваат тестирање во живо.
Целта на концептот е преку интерактивно истражување и забава корисниците да се запознаат со телекомуникациските услуги и решенија на „T-Home“ и „T-Mobile“, што ќе им овозможи најлесно да го најдат најдоброто решение за нив. Продавници со истиот концепт се отворени во „City Mall“, „Capitol Mall“ и Велес.
На денот на отворањето, Т-Мобиле подготви промотивна понуда за сите посетители – „Samsung“ смартфони со 50% попуст, во „Play Comfort“ тарифа.
Продавницата ја отвори Андреас Маиерхофер, Главниот извршен директор на Македонски Телеком.
„Задоволството на корисниците е императив за нас, а новата продавница не само што ќе може да опслужува повеќе корисници, туку ќе им овозможи брзо и едноставно да го најдат токму тоа што им треба. Наша задача е да дадеме и дополнителна вредност за корисниците, а денешната понуда на „Samsung“ смартфони со 50% попуст е токму тоа. Продолжуваме во таа насока “ изјави Андреас Маиерхофер.
На денот на отворањето на продавницата, корисниците имаа можност да се дружат со македонските музички ѕвезди Калиопи и Владо Јаневски, кои беа специјални гости.
Оваа продавница е само уште еден чекор кон зацврстување на водечката позиција на најголемата и најдобра продажна мрежа на Македонски Телеком и Т-Мобиле Македонија, од 35 телеком продавници низ Македонија.
