Најголемата подружница на „Yahoo“ надвор од САД, односно онаа во Бангалор, Индија ќе помине низ реорганизација и „болни намалувања“ со цел да ги намали своите тршоци. Во рамките на овој процес ќе бидат отпуштени околу 400 инженери и програмери, а остатокот од вработените ќе биде организиран во помали тимови.
Се смета дека овој потег е дел од редукцијата на трошоци која консултанстската куќа „Starboard Value“ и ја советуваше на компанијата „Yahoo“.
„Yahoo“ во Бангалор минатата година имаше повеќе од 2.000 вработени, а потоа одреден број на вреботени беа преместени во седиштето на компанијата во Калифорнија.
Од „Yahoo“ само накусо ја известија јавноста дека „компанијата е на патот кон одржлив раст“ и дека бара начини да ја зголеми продуктивноста, соработката и иновацијата во сите делови од работењето.