Користењето на биткоин во Русија наскоро ќе биде казнувано, а секоја трансакција поединецот може да го чини околу 1.000 долари, а правните лица и до 25.000 долари.
Руското Mинистерство за финансии подготвува нацрт-закон со кој се предвидени парични казни за физичките и правни лица, дури и во случај да не ја користат оваа виртуелна валута, туку само „намерно да ја промовираат или да делат информации кои ја промовираат“.
Казните за физичките лица ќе се движат од 755 до 1.260 долари (30.000-50.000 рубљи), за одговорните лица од 1.500 до 2.500 долари (60.000-100.000), а за правните лица од 12.600 до 25.000 долари (500.000 до 1.000.000).
Руските економисти велат дека целта на законот е биткоинот да се стави под контрола, така што за оваа валута нема иднина во Русија.
