Врз основа на досегашната продажба во 2014-та, „Volkswagen“ е на добар пат до крајот на годината да постигне рекордна продажба на автомобили и така да ја исполни целта која беше зацртана за 2018-та.
Германскиот автомобилски концерн за деветте месеци во 2014-та продаде повеќе од 7.5 милиони патнички и теретни автомобили, рече директорот на групацијата, Мартин Винтеркорн.
Тој на саемот во Париз изјави дека очекува годишната продажба да достигне 10 милиони возила.
Групацијата „VW“ така својата зацртана цел ќе ја достигне четири години порано од што првично беше планирано.
Концернот во своја сопственост ги има автомобилските марки на патнички возила „Audi“, „Bentley“, „Bugatti“, „Lamborghini“, „Porsche“, „SEAT“, „Škoda“ и „Volkswagen“, како и брендот на мотоцикли „Ducati“.
Покрај тоа, во рамките на „VW“ групацијата е и компанијата „Volkswagen“ за комерцијални возила, како и производителите „MAN“, „Scania“ и „Neoplan“.
