Компанијата „Bayer“ го превзема работењето поврзано за дивизијата „Consumer Care“ на американската фармацевтска групација „Merck & Co“, со трансакција вредна 14 милијарди долари, соопшти германската фармацевтска куќа.
„Bayer“ ја плати купопродажната цена од 14.2 милијарди долари, намалена за одреден износ кој ќе биде задржан за непредвидени случаи и кој ќе се плати по добивањето на одобрение за непостоење на монопол во Мексико и Јужна Кореја.
Превземањето значително ќе го зголеми работењето на компанијата „Bayer“ во областа на лекови кои се издаваат без рецепти (OTC) во многу тераписки категории ширум светот.
Про-формата на продажбата во комбинираното работење во 2013-та година достигна 5.5 милијарди евра, со што работењето на компанијата „Merck & Co“ допринесе со приближно 2.2 милијарди долари.
Превземањето и овозможува на компанијата „Bayer“ втора позиција на глобално ниво во областа на лекови кои се издаваат без лекарски рецепт, зад комбинираното работење на компаниите „Novartis“ и „GlaxoSmithKline“, a пред компанијата „Johnson & Johnson“ која претходно беше лидер во индустријата.
„Bayer“ очекува дека интеграцијата во работењето ќе овозможи создавање на значајни трошоци од меѓусебната соработка, особено во трошоците за маркетинг и набавната цена на стоки, од околу 200 милиони долари годишно до 2017-та година.
Се очекува дека синергијата на приходите од зголеменото присуство на пазарот и користењето на глобалната инфрастуктура на компанијата „Bayer“, во клучните области на раст за претставување на брендовите на компанијата „Merck & Co“ надвор од САД, ќе достигнат околу 400 милиони долари до 2017-та.
Ова превземање се очекува да оствари позитивен допринос од два отсто врз основа на заработка по акција веќе во првата година. Околу 2.000 вработени во „Merck & Co“ и 8.800 во „Bayer“ ќе работат под закрила на компанијата „Bayer“ во областа „Consumer Care“.
