Јавниот долг на Франција на крајот на вториот квартал оваа година изнесуваше 2.023,7 милијарди евра и за прв пат го надмина симболичниот праг од 2.000 милијарди евра.
Пресметан според критериумите од Мастрихт, јавниот долг достигна 95,1 проценти од бруто домашниот производ (БДП), што е за 1,1 процентен поен повеќе во однос на претходниот квартал, соопшти францускиот Национален институт за статистика ИНСЕЕ.
Во однос на крајот на првиот квартал од оваа година, јавниот долг на Франција е зголемен за 28,7 милијарди евра.
