Грчките контролори на летање се заканија дека ќе стапат во штрајк на 4 и 5 октомври, во знак на протест против министерски указ со кој Организацијата за управување со државниот долг ќе има пристап до сметките на авијацијата, за да покрива свои потреби, објави денеска грчкиот весник „Етнос“.
Контролорите на летање бараат политичките партии да помогнат за да биде решено прашањето и поднеле барање во Врховниот административен суд за да биде поништена одлуката на Министерството.
Тие се пожалиле и пред Еврокомисијата и Европарламентот за непочитување на европкото право.
