Рускиот министер за енегетика Александар Новак вели дека нема никакви информации дека американската компанија „Exxon Mobil“ ги прекинува операциите во проектот „Sakhalin 1“, изјави Ројтерс.
Проектoт „Sakhalin 1“ не е опфатен со американските санкции, изјави за Итар тас компанијата „Exxon Mobil“, која е учесник во проектот.
Покрај оваа американска компанија, која има 30 проценти удел, учесници во проектот се и јапонската „Sodeko“ (30 проценти), рускиот „Rosneft“ (20 проценти) и индиската компанија „ONGC“ (20 проценти).
Учесниците во проектот веќе неколку години го решаваат прашањето за реализација на гасот со проектот „Sakhalin 1“, дали да го продаваат гасот на „Gazprom“ или самостојно да го извезуваат во земјите на Азиско-пацифичкиот регион.
