Ко-основачот на „Microsoft“ Бил Гејтс ја задржа водечката позиција на листата на Форбс за 400 најбогати Американци 21 година по ред.
Гејтс, чиј имот е проценет на 81 милијарда долари, е најбогатиот Американец на листата со 400 ултра богати лица, кои заедно се „тешки“ 2,29 илјади милијарди долари, 270 милијарди повеќе во однос на минатата година, пишува Форбс.
Пријателот на Гејтс, инвеститорот Ворен Бафет, извршниот директор на „Berkshire Hathaway“, е втор на листата со нето вредност на својот имот од 67 милијарди долари.
Третото место го зазема Лери Елисон, основач и извршен директор на „Oracle“, кој неодамна ја најави својата оставка, со богатство од 50 милијарди долари.