„Ericsson“ објави дека има стекнато мнозински удел во компанијата „Apcerа“, специјализирана за софтвер кој овозможува извршување на апликации во „облак“ или во центрите за податоци на компаниите.
Со овој договор, „Ericsson“ добива нови можности во „облак“, но „Apcerа“ и натаму останува самостојна компанија, се истакнува во официјалното соопштение.
Главна предност на технологијата на „Apcerа“ во однос на бројните други решенија е можноста за поставување правила кои и тоа како може да користат на соодветните апликации и поврзаната инфраструктура.
Финансиските и други детали поврзани со овој договор не беа објавени.
