Во Франција бројот на невработени лица, регистрирани во Заводот за вработување, во август се намали прв пат во последните девет месеци во кои бележеше непрекинат раст, и тоа за 0,3 проценти (за 11.100 лица), на 3,413 милиони, соопшти француското Министерство за труд.
Како што се наведува во соопштението, бројот на кандидати за работа во категоријата А (без никакво вработување) растеше непрекинато од ноември 2013 година, така што на крајот на јули изнесуваше рекордни 3,424 милиони, а кога ќе се вклучат и прекуморските региони, 5,387, пренесува агенцијата АФП.
Станува збор за третиот месечен пад на невработеноста од изборот на Франсоа Оланд за претседател на Франција, во мај 2012 година.