Во изминатата година во Дубаи се издадени 23.243 одобренија за градба, што укажува на заживување на станбената изградба, соопштило Министерството за градежништво.
Од вкупниот број на издадени градежни дозволи, 12.952 се дозволи за приватни вили, 1.366 за комерцијални вили, 2.182 индустриски објекти, 3.339 за висококатници, 2.227 се дозволи за разни други објекти и 1.117 се дозволи за надоградба.
Во соопштението на Министерството се наведува дека е извршена инспекција на 98.891 локации во различни делови на градот и во текот на годината беа срушени 197 објекти.