Стапката на невработеност во Британија е намалена во три месеци заклучно со јули на 6,2 проценти, што е петгодишен минимум, покажаа официјалните податоци во Лондон.
Стапката во три месеци заклучно со јуни изнесувала 6,4 проценти, наведува британскиот Завод за статистика, пренесува агенцијата Франс прес.
Заводот додава дека бројот на лица без работа во кварталот заклучно со јули е намален за 146,000 на вкупно 2,02 милиони.
