Агенцијата за поттикнување на развојот на земјоделството со седиште во Битола почнува со серијал трибини за претставување на новото индексирано осигурување на остварени приноси од посеви.
Целта е да се запознаат земјоделците со начинот на функционирање на новиот систем за осигурување, а во тие рамки и на Европа Ре, опис на новото индексирано осигурување на остварени приноси од посеви, прв од ваков тип во Македонија, неговата достапност и начинот на кој ќе функционира.
Првите две трибини ќе се одржат вечер во селата Могила од 19 часот и Новаци од 20.30 часот, а утревечер од 19 часот и во селото Ивањевци. На трибините ќе говорат Надица Јовановска Бошковска, раководителка на претставништвото на „Европа Ре“ во Македонија и претставник на Албсиг – акредитирана осигурителна компанија која ќе ги продава полисите.
За почетната година ќе се нуди осигурување за две култури, односно есенска пченица и јачмен. Европа Ре ќе го зголеми портфолиото на култури кои ќе бидат опфатени со овој земјоделски производ во текот на 2015 година, со тоа што ќе понуди осигурување за пченка и винско грозје, посочуваат од Агенција за поттикнување на развојот на земјоделството.
