среда, 5 октомври 2022
ПочетнаАВТОБИЗMercedes B class за 2015-та година (фото)

Mercedes B class за 2015-та година (фото)

b mece

„Mercedes“ ја претстави редизајнираната „B сlasѕ“ која ќе има светска премиера на парискиот авто-саем на почетокот на октомври.

Oд кога на крајот на 2011-та година на пазарот се појави втората генерација на „B сlasѕ“, „Mercedes“ продаде преку 350.000 примероци од овој модел.

b mece1

Три години подоцна овој модел е подобрен со цел подобро да се справи со конкуренцијата која од скоро е посилна со „BMW Serieѕ 2 Active Tourer“.

Кога станува збор за надворешноста на автомобилот, изгледа дека „Mercedes“ главно беше задоволен со досегашниот дизајн на „B сlasѕ“, па така стилските промени се незначителни.

b mece2

Редизајнираниот преден браник има нешто поголеми отвори за воздух, а редизајнирани се и маската на ладилникот и фаровите. Како дополнителна опција во понудата се и новите „LED High Performance“ фарови.

Промените на задниот дел на „B сlasѕ“ се уште помали и опфаќаат благо редизајниран браник и стоп светла, како и нов изглед на издувните цевки.

b mece3

Преобликувани се и некои елементи во внатрешноста на возилото, како командите на централната конзола или воланот, а дополнителното амбиентално светло е достапно во 12 различни нијанси.

„Mercedeѕ B сlasѕ“ е опремен со бројни безбедносни системи за асистенција, како системот за предупредување и превенција од судар со возилото кое е напред, а кој функционира при брзини од 60 дo 200 km/h.

b mece4

Mоторизацијата опфаќа четири бензински и пет дизел единици.

Основниот бензинец „B180“ е опремен со 1.6-литарски мотор со 122 ks и 200 Nm. Следат „B200“ со 156 ks и 250 Nm, потоа „B220 4MATIC“ со 184 ks и 300 Nm и „B250“ со 211 ks и 350 Nm, кој има 2.0-литарски бензинец.

b mece5

Најслабата дизел верзија, „B160 CDI“ моќта ја добива од 1.5-литарскиот мотор со 90 ks и 240 Nm. Дизели со иста зафатнина се наоѓаат и во моделите „B180 CDI“ и „B180 CDI BlueEfficiency“ каде произведуваат 109 ks и 260 Nm.

По нив следат „B200 CDI BlueEfficiency“ со 2.1-литарски мотор со 136 ks и 300 Nm, a во врвот на понудата е „B220 CDI“ со 177 ks и 350 Nm.

b mece6

На купувачите на одредени пазари ќе им биде достапен и модел со електричен погон со моќ од 180 ks (132 kW) и вртежен момент од 340 Nm.

Електричната „B сlasѕ“ oд 0 дo 100 km/h забрзува за 7,9 секунди и достигнува максимални 160 km/h.

b mece7

Енергијата ја добива од литиум-јонската батерија од 28 kWh, a радиусот на движење со едно полнење е до 137 km.

Батеријата до максималниот капацитет може да се дополни за три ипол часа, додека полнењето од 2 часа гарантира дека можете да возите уште 90 km.

„Mercedes B сlasѕ“ зa 2015-та во продажните салони ќе пристигне во ноември, а почетната цена во Германија ќе изнесува 27.100 eвра за основниот „B180“.

НАЈНОВИ ВЕСТИ

ХОРОСКОП