Во Бугарија бројот на невработени од почетокот на годината до крајот на август е намален за 58,730 лица, со што стапката на невработеност е намалена за 0,4 проценти и сега изнесува 10,4 проценти, покажуваат податоците на Агенцијата за вработување во Бугарија.
Во Агенцијата за вработување на крајот на август биле пријавени 342,503 лица или за 8,935 помалку во однос на истиот месец минатата година.
Во Бугарија, според последниот попис, живеат 7,3 милиони жители, од кои 2,3 милиони се вработени, а просечната плата изнесува 410 евра.