„Hyundai“ ги објави техничките детали и новите фотографии од втората генерација на моделот „i20“, а за прв пат имаме можност да го видиме и ентериерот на возилото.
Еден месец пред светската премиера, „Hyundai“ ни ги откри најважните информации за новиот „i20“, a благодарејќи на фотографиите од внатрешноста можеме да се стекнеме со целосна слика за возилото.
Ако есктериерот претставува пријатно изненадување и голем чекор напред во дизајнот, изгледот на кабината само го засилува тој впечаток.
Иако производителот на фотографиите прикажа богато опремена верзија, веќе на прв поглед може да се забележи и напредок во квалитетот на материјалите и формираниот внатрешен простор.
Сите важни површини во кабината, како инструмент таблата и облогата на вратите, се преслечени во „TPO“ материјал (Thermal Plastic Olefin) кој е мек на допир.
Комбинациите на бои е избрана така што се вклопува со боите на надворешноста, а купувачите можат да изберат меѓу четири различни видови.
Благодарејќи на луксузните опции, внатрешноста дава впечаток дека е автомобил од повисока класа, а меѓу дополнителните додатоци е и подвижниот панорамски покрив.
„Hyundai“ тврди дека патниците во новиот „i20“ ќе се чувствуваат значително покомфорно, отколку во неговиот претходник. Благодарејќи на големите надворешни димензии, возачот и совозачот имаат повеќе простор помеѓу главата и покривот, како и во ширина на рамениците, додека на задната клупа без проблем може да се сместат три возрасни лица.
Потенцијалните купувачи особено ќе ги интересира изборот на погонски единици.
„Hyundai“ соопшти дека на европскиот пазар ќе понуди три бензинци и два дизели, а сите мотори ги задоволуваат „Euro 6“ стандардите.
Четирицилиндарскиот 1.25-литарски бензински агрегат ќе биде достапен во две верзии, со 75 ks и 84 ks. Oвој мотор е изработен од алуминиум и стандардно е поврзан со петбрзински мануелен менувач.
Во врвот на понудата на бензинци се наоѓа 1.4-литарски четирицилиндарски агрегат со 100 „коња“, а покрај шестстепениот мануелен менувач, како опција е достапен и четирибрзински автоматик.
Основниот дизел има зафатнина од 1.1-литри и 75 ks, додека алтернатива му е 1.4-литарски дизел мотор со 4 цилиндри и 90 ks. Двата агрегати се поврзани со веќе споменатиот шестбрзински мануелен менувач.
За оние на кои тоа можеби им е важен податок, треба да спомене дека новите „i20“ ќе се произведуваат во фабриката на „Hyundai“ во Турција, а во продажба ќе се најдат од ноември 2014-та.