Романците привлекле помалку инвестиции

Нето инвестициите во романската економија во вториот квартал од оваа година се намалени за 9,1 проценти во споредба со истиот период во 2013 година. Податоците на Националниот завод за статистика – ИНС покажуваат дека во вториот квартал, во однос на истиот период минатата гдоина, нето инвестициите во опрема, вклучувајќи ги и транспортните средства се намалиле за 16,1 проценти, а во новите градежни работи за 7,5 проценти, пренесува агенцијата Франс прес.

Во првата половина од годината, инвестициите за новите градежни работи изнесувале 2,5 милијарди евра, што претставува 44,4 проценти од вкупните инвестиции, а тоа е малку повеќе од 40 проценти во однос на истиот период претходната година.

Инвестициите во опремата и транспортот изнесувале 2,5 милијарди и нивното учество во вкупните инвестиции, изнесува 44,3 проценти.