Лидерот на Партијата на слободата од Австрија, Хајнц Штрахе, се заложи за повлекување на Австрија од еврозоната, тој исто така, предложи и поделба на северно и јужно евро.
Еврокризата стана постојана состојба и со себе досега ги повлече силните економии, оцени тој. Штрахе истакна дека „еврото пропаднало“, и дека е неопходна целосна реформа на монетарната унија.
Заедничката валута и пакетите мерки за спас на Австрија ја донесоа првата економска криза, смета тој.
Штрахе побара сценарио за повлекување, осносно можност еврозоната да се подели на северно и јужно евро, што сериозно, како што вели тој, ќе им помогне на силните и слаби економии.