Рускиот претседател Владимир Путин присуствуваше на церемонијата по повод почеток на работите на гасоводот „Силата на Сибир“, преку кој би требалo да се транспортира гас до Кина.
Првата фаза од изградбата на гасоводот „Силата на Сибир“ би требало да биде завршена до крајот на 2017 година, а планирано е годишниот капацитет на гасоводот да изнесува 61 милијарда кубни метри природен гас, јавува руската новинска агенција Итар Тас.
Рускиот гасен гигант Газпром претходно потпиша договор за 30 години во вредност од 400 милијарди долари, за снабдување на Кина со 38 милијарди кубни метри гас годишно.
