Министерот за економија Беким Незири денеска, по повод 28 Август, Денот на рударите, ќе додели плакети на најдобрите рудари во Република Македонија, номинирани од нивните работодавачи за постигнатите работни резултати во текот на минатата година.
Плакетите ќе им бидат врачени на централната манифестација што годинава се одржува во компанијата „Ренова“ во тетовското село Џепчиште.
На настанот свое обраќање ќе имаат и деканот на Факултетот за природни и технички науки од Штип, Зоран Панов и претседателот на Македонската асоцијација на рударите, Николајчо Николов.
