Богатството на претседателката на Управата на федерални резерви на САД (ФЕД), Џенет Јелен се проценува на повеќе од 5,2 милиони долари.
Според проценката на Канцеларијата за етика на американската влада, Џенет Јелен поседува богатство вредно помеѓу 5,2 милиони и 14 милиони долари.
Вклучувајќи ги и акциите кои ги поседува таа во инвестициските фондови, приходите од пензијата која ја стекнала како универзитетски професор, платата која ја добива на новата функција, како и вредната колекција на поштенски марки, пренесуваат белгиските медиуми.
Претседателката на ФЕД поседува акции и обврзници вредни неколку милиони долари, како и капитал во неколку познати американски компании.
Покрај тоа, нејзината годишна пензија како унверзитетски професор изнесува 100.000 долари.
Вредноста на колекцијата поштенски марки е проценета на меѓу 15.000 и 50.000 долари.
Годишната плата на претседателката на ФЕД, која на оваа функција стапи во март оваа година, изнесува 201,700 долари.
